Ўзбекистон терма жамоаси ҳужумчиси Элдор Шомуродов ҳаракат қилаётган «Женоа» клуби Италия А Серияси 2020/21 йилги мавсумидаги иштирокини якунлади.

Мавсумнинг сўнгги ўйинида генуяликлар Элдор Шомуродовнинг ягона голи эвазига «Кальяри»ни мағлуб этди.

Ёзги трансфер ойнасида «Женоа»га қўшилган Шомуродов А Серия 2020/21 йилги мавсумида 31 та ўйин ўтказиб, 8 та гол ва битта голли узатма амалга оширди. Қайд этиш жоиз, Элдор 8 та голидан 5 тасини А Сериядаги сўнгги 6 та ўйинда урди.

Шомуродов 31 учрашувнинг 16 тасида асосий таркибда майдонга тушди ва ўртача бир ўйинда 54 дақиқа ҳаракат қилди.

Элдорнинг узатмалари аниқлиги ўртача 70 фоизни ташкил қилди (ҳар бир ўйинда ўртача — 10,5).

Шунингдек, Элдор Италия Кубогида ҳам битта ўйин ўтказиб, унда голли узатма муаллифига айланди.