“Испания чемпионатида ғолиб чиққан “Атлетико” президенти Энрике Сересо жамоа бош мураббийи Диего Симеоне ва ҳужумчи Луис Суарес ҳақидаги фикрлари билан ўртоқлашди.

- Суарес – ажойиб ўйинчи ва жуда зўр инсон. У майдонда буни кўрсатиб қўйди. Лекин жамоада қолиши ёки кетишини унинг ўзи ҳал қилади.

Симеоне – “Атлетико” тарихида энг кўп соврин ютган мураббий. Лекин у ҳам ўзи истаганини қилиши мумкин. Агар қолишни истаса, бажонидил. Истамаса, кетиши мумкин. Ҳаммаси ўзига боғлиқ,  - деди Энрике Сересо.

“Атлетико” жорий мавсумда “Реал” ва “Барселона”ни ортда қолдириб, ўз тарихида 11-маротаба Испания чемпиони бўлди.