"Рома" ярим ҳимоячиси Генрих Мхитарян фейсбукдаги саҳифаси орқали Арманистон термасининг яқин вақтлар ичидаги ўртоқлик ўйинларига чақирилмаганини айтди.
"Арманистон термаси мураббийлар штаби қандайдир сабабларга кўра, мени навбатдаги халқаро ўртоқлик ўйинларига чақирмаганини айтди. Аммо расмий маълумотлар мени ажаблантирмади. Шундай бўлса-да, қалбан йигитлар билан биргаман ва уларни қўллаб-қувватлайман", - деб ёзади футболчи.
Олдинроқ футболчи "Рома" билан шартномасини узайтириш борасида музокараларни давом эттираётгани маълум қилинганди.
