УЕФА «Реал», «Барселона» ва «Ювентус» клубларига нисбатан интизомий иш очганини эълон қилди. Ташкилот мазкур клублари Европа суперлигаси мусобақасини ташкил қилиб, норматив-ҳуқуқий база қоидаларини бузган дея ҳисобламоқда.

9та таъсисчи-клублардан фарқли ўлароқ, ушбу жамоалар Суперлигадан чиққанини эълон қилишмайди.

Аввалроқ «Арсенал», «Челси», «Ливерпуль», «Манчестер Сити», «Манчестер Юнайтед», «Тоттенхэм», «Милан», «Атлетико» ва «Интер» клублари Суперлигани тарк этиб, УЕФА билан келишувга эришганди. УЕФА бу клубларга 15 миллион евро миқдорида жарима солганди.