Инглиз нашрларининг хабарига кўра, Гарет Бэйл фаолиятини тугатишни ўйламоқда. Уэлслик футболчи Европа чемпионатида ўйнамоқчи ва «Реал» билан шартномани ортиқ узайтирмоқчи эмас.
Европа чемпионати Гарет учун охирги мусобақа бўлиши кутилмоқда. Ўз навбатида Мадрид клуби ҳам шартнома муддатини олдиндан бекор қилишдан манфаатдор. Бэйл ўзига янги клуб изламоқчи эмас.
Уэлслик футболчи жорий мавсумни «Тоттенхем»да ижарада ўтказди. Ҳужумчи АПЛда тўққизта гол уришга муваффақ бўлди.