«Милан» «Брешиа» яримҳимоячиси Сандро Тоналини сотиб олмоқчи, дея хабар беради инсайдер Николо Скира. Бироқ, «россонерилар» футболчининг трансфер нархини пасайтирмоқчи.
Тоналининг ижараси учун «қизил-қоралар» 10 миллион евро тўлаган. Агар футболчи сотиб олинса, улар «Брешиа»га бонусларни ҳисобга олган ҳолда яна 25 миллион тўлашлари керак.
Милан клуби ушбу шартномани қайта кўриб чиқиш ниятида. Бу борада музокаралар аллақачон олиб борилмоқда.
Ўтган мавсумда 21 ёшли яримҳимоячи барча турнирларда 37 учрашувни голсиз ўтказди.
