«Milan» «Breshia» yarimhimoyachisi Sandro Tonalini sotib olmoqchi, deya xabar beradi insayder Nikolo Skira. Biroq, «rossonerilar» futbolchining transfer narxini pasaytirmoqchi.
Tonalining ijarasi uchun «qizil-qoralar» 10 million yevro to‘lagan. Agar futbolchi sotib olinsa, ular «Breshia»ga bonuslarni hisobga olgan holda yana 25 million to‘lashlari kerak.
Milan klubi ushbu shartnomani qayta ko‘rib chiqish niyatida. Bu borada muzokaralar allaqachon olib borilmoqda.
O‘tgan mavsumda 21 yoshli yarimhimoyachi barcha turnirlarda 37 uchrashuvni golsiz o‘tkazdi.
