"Бавария" ҳужумчиси Эрик-Максим Шупо-Мотинг тез орада клуб билан янги шартнома имзолайди. "АЗ" нашрининг хабарига кўра, клуб раҳбарияти 32 ёшли камерунлик футболчи билан шартномани икки йилга узайтиради.
Маълумот учун, Шупо-Мотинг ўтган йилнинг кузида "Бавария"га эркин агент сифатида қўшилди ва 2021-йил ёзига қадар шартнома имзолади. Ҳужумчи ушбу мавсумда барча мусобақаларда 32 та ўйинда майдонга тушиб, 9 та гол ва 1 та голли узатмага муаллифлик қилди.