"Челси"нинг собиқ ярим ҳимоячиси Рамиреснинг фикрича, Нголо Канте "Олтин тўп" учун курашиши мумкин.
"Канте жуда хотиржам, доим тинч. У ажойиб футболчи. Майдоннинг ҳар бир сантиметрида ўйнайди. Ҳимояда, марказда, ҳужумда, қанотларда. У дунёдаги энг зўрлардан бири. Нголо "Олтин тўп" учун даъвогарлар учлигига кириши мумкин. Аммо ҳимоячи ва ярим ҳимоячига бу совринни қўлга киритиш қийин. Аммо, агар Канте Чемпионлар Лигаси ва Евро-2020да ғолиб бўлса, "Олтин тўп"ни муносиб равишда олиши мумкин бўлади", - дейди Рамирес.