«Манчестер Сити» нинг белгиялик ярим ҳимоячиси Кевин де Брюйне жароҳати туфайли сафдан чиқди.
Ярим ҳимоячи «Челси»га қарши Чемпионлар Лигаси финалида (0:1) «кўклар» ҳимоячиси Антонио Рюдигер билан тўқнашувда жароҳат олди ва иккинчи бўлим бошида алмаштирилди.
Яқин вақт ичида Де Брюйне жароҳатнинг оғирлиги ва тикланиш вақтини белгилаб берадиган тиббий кўрикдан ўтади. Ярим ҳимоячи ёзда бўлиб ўтадиган Европа чемпионатини ўтказиб юбориши мумкинлиги эҳтимоли мавжуд.
Маълумот ўрнида, якунланган мавсумда 29 ёшли де Брюйне барча турнирларда 40 учрашув ўтказиб, 10 гол урди ва 18 ассист амалга оширди. Унинг клуб билан шартномаси 2025 йилнинг ёзигача амал қилади.
