"Челси" футболчиси Кай Хаверц Чемпионлар Лигаси финалида "Манчестер Сити" устидан қозонилган ғалабага (1:0) муносабат билдирди. Немис футболчиси ҳал қилувчи голни урди.
“Мен...! Аниқроғи, биз Чемпионлар Лигасини ютдик!
Мен нима дейишни билмайман. Аслида нима дейишни билмайман.
Мен оиламга, ота-онамга, бувим ва дўстимга миннатдорчилик билдирмоқчиман. Мен нима дейишни билмайман. Мен бу лаҳзани 15 йил давомида кутган эдим, энди у келди», - деди Хаверц.
Эслатиб ўтамиз, "Челси" 2012 йилдан бери биринчи марта Чемпионлар Лигасида ғолиб чиқди.
Хаверц ёзда "аристократлар" сафига "Байер"дан келиб қўшилган эди.
