"Манчестер Юнайтед" ёзги трансфер ойнасида ҳужум чизиғини кучайтирмоқчи.
Daily Mail хабарига кўра, инглиз клуби "Тоттенхэм" ҳужумчиси Ҳарри Кейнни таклиф қилиш ўрнига, Дортмунднинг "Боруссия" клуби ярим ҳимоячиси Жейдон Санчо билан шартнома имзолашни афзал кўрмоқда.
Англиялик ҳужумчи "Манчестер Юнайтед" бош мураббийи Оле-Гуннар Сульшернинг режаларида эмас. Яқинда клуб ҳужумчи Эдинсон Кавани билан шартномасини янгилаганини ҳисобга олсак, "Манчестер Юнайтед" Кейнни қимматга сотиб олишини зарур деб ҳисобламаяпти. Ҳужумнинг ўнг қанотида ўйнайдиган Санчо трансфери биринчи ўринга қўйилган.
Сульшер "Манчестер Юнайтед" раҳбарларига Санчо, Кавани, Мейсон Гринвуд, Маркус Рэшфорд ва Антони Марсьял жамоага келаси мавсум совринлар учун курашиш имкониятини беришини айтди.
Дортмундликлар Санчо учун қарийб 90 миллион евро хоҳлаётгани ҳақида хабар берилганди.
