Эртага Хорватияда футзал бўйича Европа чемпионати старт олади. Ушбу турнирда қитъанинг 12 та энг кучли термаси чемпионлик учун баҳс олиб боришади.
11 февралгача давом этадиган баҳслар Загреб ва Сплит шаҳарларидаги ареналарда бўлиб ўтади. Гуруҳлар қуйидагича тақсимланган:
«А» гуруҳи: Хорватия, Чехия, Руминия
«В» гуруҳи: Испания, Украина, Словения
«С» гуруҳи: Италия, Россия, Туркия
«D» гуруҳи: Португалия, Сербия, Озарбойжон
Осиёда эронлик футзалчилар тенгсиз бўлса, Европада испанларга тенг келадигани йўқ. Футзал бўйича Европа чемпионатида шу пайтгача 3 та терма чемпионлик нашъидасини сурган. Испания терма жамоаси 5 марта(1996, 2001, 2005, 2007, 2010), Россия термаси 1 марта (1999) ва Италия терма жамоаси ҳам 1 марта (2003) чемпион бўлишган.
