Ҳиндистоннинг янги футбол лигаси ҳисобланадиган Premier League Soccerга дунёнинг кўплаб собиқ юлдузлари йўл олганидан хабарингиз бор.
Ушбу янги лойиҳадаги чемпионат ўйинлари 25-феврал куни старт олади ва 7 ҳафта давом этади.
Чемпионатнинг энг қиммат футболчиси деб эса, аргентинлик машхур ҳужумчи Эрнан Креспо топилди. Аргентина терма жамоасининг собиқ юлдузини ўз сафига қўшиб олган "Барасат" жамоаси унга 840 минг АҚШ доллари миқдорида маош тўлайдиган бўлди.
Жаҳон чемпиони ҳамда жаҳоннинг собиқ энг яхши ўйиничиси Фабио Каннаваро эса энг қиммат футболчилар рўйхатида Кресподан кейин иккинчи ўринни эгаллади. Италиялик ҳимоячи ўзининг янги жамоаси "Силигури"дан 830 минг АҚШ доллари миқдорида маош олиши кўзда тутилган. Франциялик Робер Приес эса 800 минг долларлик маош билан ҳиндистоннинг энг қиммат учинчи ўйинчиси бўлди. Франция терма жамоасининг собиқ футболчиси "Ховрах" жамоаси шарафини ҳимоя қилади.
Ўз фаолиятини ҳиндистонда давом эттирадиган Жей-Жей Окоча ҳамда Робби Фаулерлар 530 минг миқдорида маош оладилар.
Premier League Soccerнинг энг қиммат мураббийи сифатида "Дургапур" жамоасининг янги бош мураббийи Самсон Сиасиа эътироф этилди. Нигения терма жамоасининг собиқ мураббийи 210 минг доллар миқдорида маош олишади.
