Германия Бундеслигасининг 19-турида «Вольфсбург»га қарши (2:0) ўтган ўйинда «Бавария» мухлислари клуб раҳбариятини «Газпром» компанияси билан ҳамкорликдан тийилишга чорловчи баннер намойиш этишган.

Эслатиб ўтамиз, Россиянинг ушбу компанияси Бавария клуби расмий ҳомийси бўлиши борасида гап-сўзлар урчиганди. «Газпром»дагилар бу маълумотни рад этишса-да, «Бавария» президенти Ули Ҳёнесс музокаралар чиндан ҳам олиб борилаётганини тан олган.

«Биз ҳақиқатан ҳам «Газпром» билан музокараларга киришганмиз. Агар битим имзоланса, компания «Шальке» ўрнига фақат бизга ҳомийлик қилмайди. Бу ҳолатда компания бизга ҳам «Шальке»га ҳам расмий ҳомий бўлади. Бу ҳақда гельзенкирхенликлар президенти Клеменс Теннисни огоҳлантирдим», – деган Ҳёнесс.