Россия терма жамоаси бош мураббийи Станислав Черчесов жамоанинг Евро-2020 учун сўнгги қайдномаси ҳақида фикр билдирди.
Дарвозабон Андрей Лунев, ҳимоячилар Роман Евгениев ва Иля Самошников ва яримҳимоячи Арсен Захарянлар дастлабки рўйхатга киритилмаган.
«Биз кимни қандай тайёрлигига, жамоада ўзини қандай кўрсатганига қараб танлов эълон қилдик. Лунев тажрибали дарвозабон, аммо биз Юрий Дюпин ва Антон Шунин мавсумни янада яхшироқ ўтказди деб ўйладик.
Буни яна бир қатор шогирдларимга нисбатан ҳам айтишим мумкин.
УЕФА 12 июнга қадар биринчи учрашув олдидан баъзи ўзгаришларни амалга оширишга имкон беради. Шунинг учун, рўйхатга киритилмаган барча йигитлар бизда жамоада қолади, уларга кўпроқ машқ қилинг деб қоламан. Чунки вазият шундайки, футболчи кечқурун соғлом ухлаши мумкин, лекин эрталаб уйғонмаслик эҳтимоли ҳам бор», - дейди Черчесов.
Россия терма жамоасининг Европа чемпионатидаги гуруҳ босқичидаги рақиблари Бельгия (12 июнь), Финляндия (16 июнь) ва Дания (21 июнь) бўлади.
