РФИ президенти Сергей Фурсенко Евро-2012 давомида Россия миллий терма жамоаси Польша пойтахти Варшавада машғулот ўтказа олмаслигини маълум қилди.
"Евро-2012 вақтида Россия делегацияси Варшавадаги "Бристоль" меҳмонхонасида истиқомат қилади. Ҳозир бу ерда таъмирлаш ишлари давом этмоқда. Жамоамиз машғулотни Варшава атрофида ўтказишга мажбур. Шаҳардаги "Pepsi-arena" стадиони хўжайини билан бу борада келиша олмадик. Маҳаллий "Легия" клуби ўйин ўтказадиган бу стадион бизга берилмайди", дейди Сергей Фурсенко "Спорт-Экспресс"га берган интервьюсида.