ЎФФ расмий Твиттерининг маълум қилишича, 14 январь куни Кувайт ва БААда машғулот ўтказиш учун жўнаб кетган Ўзбекистон терма жамоаси пойтахт Тошкентга қайтиб келди.

Вакилларимиз сафар давомида 6та ўртоқлик ўйинида майдонга тушиб, шуларнинг 4тасида имкониятни бой беришди ва 1 марта дуранг натижага имзо чекишди. Бош мураббий Вадим Абрамов асосан Ўзбекистон олимпия терма жамоаси футболчиларига эътибор қаратган бўлсада, имкон қадар миллий терма жамоага аъзо футболчиларни ҳам унутмасликка қарор қилди. Энди олимпиячиларимиз 5 февраль куни Австралияга қарши бўлиб ўтадиган ўйин учун пойтахт Тошкентга тайёргарликни давом эттиришади.