Маҳачқалъанинг "Анжи" клуби ҳимоячиси Роберто Карлос клубдаги келгуси фаолияти ҳақида фикр билдирар экан, клуб хўжайини Сулаймон Керимовнинг имкониятларига ҳам тўхталиб ўтишга қарор қилди.
"Мен келажагимни "Анжи" билан боғлайман. Чунки Сулаймон Керимов менга ишонадигандек кўринади. Мен эса бу ишончни йўқотишни хоҳламайман. Аксинча, "Анжи"нинг дунёда энг кучли клуб бўла олиши учун Керимовга ёрдам бераман.
Сулаймонда ҳайиқиш деган нарсанинг ўзи йўқ. Агар Месси ёки бошқа бир юлдуз футболчини сотиб олиш имкони бўлса, у дарҳол шу ишни қилади. Керимовда бунинг учун етарлича маблағ бор", дейди Карлос Marca нашри билан сухбат чоғида.
