БАА терма жамоаси ва «Ал-Жазира» ҳужумчиси Али Мабҳут Аргентина терма жамоаси форварди Лионель Месси ҳамда Ҳиндистон етакчиси Сунил Четрини терма жамоада киритилган голлар сони бўйича ортда қолдирди.

Мабҳут Малайзияга қарши баҳсда (4:0) дублга эришди. Ушбу голлар у учун термадаги 72 ва 73-голлар бўлди. Мазкур натижа орқали Мабҳут тарихда терма жамоада энг кўп гол урган футболчилар орасида 8-ўринга кўтарилиб олди.

Айни вақтда фаолиятини давом эттираётган ўйинчилар орасида эса Мабҳут Криштиану Роналдудан (103 гол) кейин иккинчи ўринда бормоқда.

30 ёшли форвард 71 тадан гол урган Лионель Месси ва Сунил Четрини қувиб ўтди.

Маълумот учун, ҳамюртимиз Сардор Рашидов «Ал-Жазира» сафида Али Мабҳут билан ўйнаган.