Кеча бўлиб ўтган ўртоқлик ўйинларининг бирида Италия Чехияни 4:0 ҳисобида тор мор келтирди.
Бу билан жамоа ўз мағлубиятсиз сериясини 27 ўйинга етказиб олди. Манчини ўйин ҳақида фикр билдирди.
«Биз рақибларимиз савиясини ҳисобга олган ҳолда яхши ўйнадик. Чехия жуда кучли жамоа. Режали тизимга ўтиб олишга 10 дақиқача вақт керак бўлди. Тахминан шундай ўйин бўлади деб умид қилган эдим.
Бизда ёш жамоа бор, аммо бундай ўйин фақат ижобий ҳис-туйғуларни келтириб чиқариши мумкин. Жамоамиз тўлиқ ҳужумга йўналтирилган. Умумий баланс ҳақида унутмаслик биз учун муҳим», - дея хулоса қилди Манчини.
Европа чемпионатида Италия Швейцария, Туркия ва Уэльс билан бир гуруҳда ўйнайди.
