"Барселона"нинг собиқ ярим ҳимоячиси, ҳозирда Қатарнинг "Ас-Садд" жамоасини бошқараётган Хави Каталония клубига бош мураббий этиб тайинланиши ҳақида гапирди.

«Мен Барселонага учиб кетдим, журналистлар буни кутишди. Шаҳарга келишим билан ОАВ мен ҳақимда бир қатор хабарларни ёзадилар. Аммо, кимдир сизга бу ҳақда бирон бир нарса айтишдими? Йўқ, чунки биринчи навбатда клубда мураббий бор ва бу Куман. Уни ҳурмат қилиш керак. Иккинчидан, мен "Барса" устози бўлишга шошилмайман.

Кези келганда вазиятни баҳолаймиз ва қарор қабул қиламиз. Бир неча йил олдин ҳамма нарса белгиланган манзилга қараб кетаётган эди, аммо ўша пайт бу қарор нотўғри эди. "Барса" менга таклиф жўнатди, аммо вазият тўғри эмас эди. Шошилманг.

Клубнинг таклифидан икки марта бош тортганман. Бу турли ҳолатларга боғлиқ. Оила, профессионаллик томони, шартнома... Бу ҳақда гапириш қийин, чунки мен "Барса"га мухлислик қиламан, аммо ҳозирча у пайт тўғри келмади», - деди Хави La Vanguardia нашрига берган интервюсида.