"Barselona"ning sobiq yarim himoyachisi, hozirda Qatarning "As-Sadd" jamoasini boshqarayotgan Xavi Kataloniya klubiga bosh murabbiy etib tayinlanishi haqida gapirdi.

«Men Barselonaga uchib ketdim, jurnalistlar buni kutishdi. Shaharga kelishim bilan OAV men haqimda bir qator xabarlarni yozadilar. Ammo, kimdir sizga bu haqda biron bir narsa aytishdimi? Yo‘q, chunki birinchi navbatda klubda murabbiy bor va bu Kuman. Uni hurmat qilish kerak. Ikkinchidan, men "Barsa" ustozi bo‘lishga shoshilmayman.

Kezi kelganda vaziyatni baholaymiz va qaror qabul qilamiz. Bir necha yil oldin hamma narsa belgilangan manzilga qarab ketayotgan edi, ammo o‘sha payt bu qaror noto‘g‘ri edi. "Barsa" menga taklif jo‘natdi, ammo vaziyat to‘g‘ri emas edi. Shoshilmang.

Klubning taklifidan ikki marta bosh tortganman. Bu turli holatlarga bog‘liq. Oila, professionallik tomoni, shartnoma... Bu haqda gapirish qiyin, chunki men "Barsa"ga muxlislik qilaman, ammo hozircha u payt to‘g‘ri kelmadi», - dedi Xavi La Vanguardia nashriga bergan intervyusida.