"Барселона" бу ёзда "Ливерпуль"ни тарк этадиган яримҳимоячи Жоржиньо Вийналдум трансфери бўйича музокараларни давом эттирмоқда.

Mundo Deportivo хабарига кўра, Каталония клуби ярим ҳимоячининг агентлари билан алоқада. Айни пайтда "Барселона" "ПСЖ"нинг ҳам футболчига доимий қизиқишини инобатга олган ҳолда, келишув эҳтимолини 50% га баҳоламоқда.

Клуб Рональд Куман билан ҳамкорликни давом эттиришини расман эълон қилгани, "Барса" фойдасига ишлаши мумкин. Чунки, мураббий ва Вейналдумнинг ўртасидаги муносабат яхши.

Вейналдумнинг ўзи Европа чемпионатидан кейинги келажаги тўғрисида якуний қарор қабул қилмоқчи эди, аммо "Барселона" бу вариантдан мамнун эмас, чунки клуб ўйинчи турнирда муваффақиятли иштирок этса, унга даъвогарлар сони кўпайиши мумкин деб ўйлайди.

Ўтган мавсумда 30 ёшли ярим ҳимоячи АПЛнинг 38 учрашувида майдонга тушиб, 2 та гол урган.