"Barselona" bu yozda "Liverpul"ni tark etadigan yarimhimoyachi Jorjinyo Viynaldum transferi bo‘yicha muzokaralarni davom ettirmoqda.
Mundo Deportivo xabariga ko‘ra, Kataloniya klubi yarim himoyachining agentlari bilan aloqada. Ayni paytda "Barselona" "PSJ"ning ham futbolchiga doimiy qiziqishini inobatga olgan holda, kelishuv ehtimolini 50% ga baholamoqda.
Klub Ronald Kuman bilan hamkorlikni davom ettirishini rasman e’lon qilgani, "Barsa" foydasiga ishlashi mumkin. Chunki, murabbiy va Veynaldumning o‘rtasidagi munosabat yaxshi.
Veynaldumning o‘zi Yevropa chempionatidan keyingi kelajagi to‘g‘risida yakuniy qaror qabul qilmoqchi edi, ammo "Barselona" bu variantdan mamnun emas, chunki klub o‘yinchi turnirda muvaffaqiyatli ishtirok etsa, unga da’vogarlar soni ko‘payishi mumkin deb o‘ylaydi.
O‘tgan mavsumda 30 yoshli yarim himoyachi APLning 38 uchrashuvida maydonga tushib, 2 ta gol urgan.
