«Реал» дарвозабони Тибо Куртуа клубнинг Испания чемпионатидаги ўйинлари ҳақида фикр билдирди.

«Атлетико»дан кўра, бизда Ла Лигани ютишимизда имконият катта эди. Аммо, бизни ғалаба қозонишимизга бир қанча ҳакамлар тўсқинлик қилди.

Албатта, ғолиб бўла олмаганимиздан хафа бўлдик, аммо бу футбол. Мавсумнинг иккинчи ярми жуда яхши ўтди, биз муҳим учрашувларда ўзимизнининг аъло даражадаги ўйинимизни намойиш этдик. Муваффақиятсизликлар нисбатан етакчи бўлмаган рақибларга қарши ўйинларда бўлган.

Чемпионлар Лигаси ярим финалида «Челси»га ютқазишимиз омадимиз келмади. Бизда жароҳатлар бор эди, коронавирус учун ижобий тестлар, лекин умуман олганда, иккинчи ўйинда лондонликлар кучлироқ бўлганини тан олишимиз керак. Ва кейин улар Тухел келганидан кейин ўз даражасини кўрсатиб, турнир ғолибига айланишди », - деди Куртуа Le Soir нашрига.