Ўзбекистон миллий жамоасига номзод футболчи Виталий Денисов ўзига янги жамоа топди.
2020/21 йилги мавсумни Россия Биринчи лигасининг «Томь» клубида ўтказган ўзбекистонлик 34 ёшли ҳимоячи мавсум якунлангач, жамоани тарк этганди.
Калининград шаҳрининг «Балтика» клуби расмий сайти хабарига кўра, Денисов клуб билан «1+1» кўринишида шартнома имзолаган.
Аввалроқ, «Томь» бош мураббийи Александр Кержаков жамоани тарк этгач, Виталий Денисов ҳам клуб билан хайрлашгани ҳақида хабар берилганди.
Маълумот учун, Виталий Россия Биринчи лигаси жорий мавсумида 23 ўйинда майдонга тушди. «Томь» 22 клуб орасида 18-ўринни эгаллаб, лигадаги ўрнини сақлай олмади.
«Балтика» Россия Биринчи лигаси жорий мавсумини 5-ўринда якунлаган.
