As хабарига кўра, Серхио Рамос фаолиятини "Реал"да давом эттиришга умид қилмоқда.

Манбанинг хабарига кўра, испаниялик яна бир бор Мадрид клуби президенти Флорентино Перес билан суҳбатлашишга умид қилмоқда. Агар шундай суҳбат бўлиб ўтадиган бўлса, унда Рамос  клуб шартларини қабул қилиши мумкин.

Қайд этилишича, Рамосга унинг дўстлари Лука Модрич ва Лукас Васкеснинг клуб билан  шартномаларини янгилашлари таъсир кўрсатган. Шунингдек, Карло Анчелоттининг ҳам "Реал" бош мураббийи лавозимига тайинлангани катта аҳамиятга эга бўлган.

Эслатиб ўтамиз, 35 ёшли ҳимоячи бир неча маротаба ойлик маошининг 10 фоизга қисқариши назарда тутилган бир йиллик шартномадан бош тортган. Манбага кўра, Рамос икки йиллик  шартнома истаган. Дастлаб у иш ҳақини қисқартиришга рози бўлди.

Бироқ, "Реал"нинг позицияси ўзгаришсиз қолмоқда. Клуб Рамос билан шартномани узайтирмоқчи эди, аммо унинг рад жавоби раҳбарият билан муносабатлари бутунлай ёмонлашганига олиб  келди. Шу сабабли, "Реал" президенти Флорентино Перес Рамос билан хайрлашиш маросимини  тайёрлашда давом этмоқда.