Миланнинг «Интер» клуби тажрибали ҳимоячи Эшли Янгга бир йиллик янги шартнома таклиф қилди. Бу ҳақда Италия ОАВ хабар бермоқда.
Манбага кўра, «Интер» раҳбарлари яқин кунлар ичида футболчининг жавобини олишлари кутилмоқда. Потенциал битимнинг молиявий тафсилотлари ошкор қилинмади.
Эслатиб ўтамиз, Янгга «Уотфорд»дан ҳам таклиф бўлган. Эҳтимол, Эшли «нерадзуррилар» билан ҳамкорликни узайтиришдан ва Англияга қайтишдан бош тортиши мумкин.