«Ливерпул» бош мураббийи Кенни Далглиш «Вулверхэмптон»га қарши ўйиндан сўнг, шогирдларига ўйин учун ўз миннатдорчилигини билдирди.
«Футболчиларимиз профессионал ва сифатли ўйин намойиш этишди. Ўтган ҳафтадаги икки муҳим ғалабадан сўнг, бугун ҳам жуда яхши ҳаракат қила олдик».
«Бугун майдонга тушган барча футболчилардан мамнунман. Ҳар бирлари ғалабага муносиб ҳисса қўшишди. Кэррол ниҳоят гол ура олганидан жуда хурсандман. Беллами фантастик ўйин ўтказди. Кюйтнинг голини эса жамовий гол деб айтиш мумкин», — дейди Далглиш «Ливерпул» расмий сайтига берган интервюсида.
