"Лион" клуби ҳужумчиси Мемфис Депай учун Европанинг икки йирик клуби кураш олиб бормоқда.
Голландиялик футболчига асосий давогарлар - »Барселона« ва »Ювентус«, аммо Турин клуби футболчига "кўк-анорранглилар"дан 3 миллион евро кўпроқ маош таклиф қилди. Бунга жавобан "Барселона" Депайга уч эмас, тўрт йилга шартнома имзолашни таклиф қилди (келажакда маоши 3 миллион еврога кўтарилиши мумкин бўлган банд билан). Энди қарор футболчида қолади.
Эслатиб ўтамиз, Депай якунланган мавсумда Франция чемпионатида 37 та ўйинда майдонга тушиб, ўз ҳисобига 20 та гол ва 4 та ассист ёздириб қўйди.
