Европа чемпионатининг биринчи кунида УЕФА президенти Александер Чеферин Суперлига ғоясидан воз кечмаган 3 клуб ҳақида алоҳида тўхталди.
Раҳбар саволларга жиддий жавоб бермади. У Суперлига иштирокчиларини тажовузкор ҳукмлар билан қўрқитди. У Суперлига иштирокчиларини ажойиб ўхшатиш билан таърифлади.
«Менимча, бу учта клуб мактабни ташлаб кетаётган безори болаларга ўхшайди. Улар туғилган кунга таклиф қилинмайди. Шундан сўнг улар зиёфатга полиция билан келишга уринишади. Ҳозир ҳам шунинг худди ўзи такрорланмоқда», - дея тушунтирди Чеферин.
Аввалроқ учта гигант - "Реал", "Барса" ҳамда "Ювентус" УЕФАнинг жиддий жазосидан қочиб қутулгани маълум бўлган эди. Клублар Европа мусобақаларида ўйнашни давом эттиришади.
