"Манчестер Юнайтед" Дортмунднинг "Боруссия" клуби ярим ҳимоячиси Жейдон Санчонинг трансферини деярли ҳал қилди, деб хабар бермоқда Sky Germany нашри. Олдинроқ инглиз клуби 21 ёшли футболчи билан 2026-йилгача мўлжалланган шартнома борасида келишиб олгани ҳақида хабар берилган эди.
Санчонинг "Боруссия Дортмунд" билан амалдаги шартномаси 2023-йилнинг ёзига қадар ҳисоблаб чиқилган. Ўтган мавсумда футболчи барча турнирлардаги 38 учрашувда майдонга тушиб, 16 та гол ва 20 та голли узатмага муаллифлик қилди.