Англия терма жамоаси бош мураббийи Гарет Саутгейт Хорватияга қарши бўлиб ўтадиган Евро-2020 ўйини ҳақида гапирди.
«Хорватия - бу жуда тажрибали, ажойиб ижрочилар, кучли психологияга ва ажойиб жанговар руҳга эга терма жамоа. Жамоа футболчилари ҳам тактик жиҳатдан анча мослашувчан, бу эса ушбу учрашувни биз учун жиддий синовга айлантиради, аммо биз ғалабага эришишимиз мумкинлигини биламиз.
Биламизки, 2018 йилги учрашув жуда шиддатли кечди ва якун барчага маълум. Бироқ шундан кейинги баҳсда биз ғалаба қозондик. Бугунги ҳолатимиз учун тарих ҳеч қандай рол ўйнамайди», - дейди Саутгейт УЕФА сайтига берган интервьюсида.