Каталониянинг "Барселона" клуби яқин келажакда Фелиппе Коутиньо билан хайрлашишга тайёр. Испания матбуотининг хабар беришича, "ПСЖ" бразилиялик футболчининг хизматларига қизиқиш билдирмоқда.

Рональд Куман янги мавсумда 29 ёшли ҳужумкор ярим ҳимоячига умид боғламаяпти, шу сабабли "Барселона" футболчини сотмоқчи. Каталонияликлар футболчидан тахминан 50 миллион евро ишлаб олмоқчи. 2018 йилда "кўк-анорранглилар" бразилиялик учун 135 миллион еврони тўлаганига қарамай, парижликлар трансфер миқдорини камайтиришга уринмоқдалар.

Фелиппе Коутиньо "Барса"га ўтгандан кейин, 90 учрашув ўтказди, унда 23 гол ва 14 голли узатма берди. Унинг трансфер қиймати ҳозирда 30 миллион еврони ташкил қилади. Коутиньонинг клуб билан шартнома 2023 йил ёзигача амал қилади.