Италия терма жамоаси дарвозабони Жанлуижи Доннарумма Туркия устидан қозонилган ғалабадан (3:0) мамнун. Бироқ, италиялик кипер учун турнирда ҳеч нарса ҳал қилинмади. 

“Яхши бошлаш муҳим эди. Биз ажойиб учрашув ўтказдик. Аммо энди кейинги жангларда ҳам шундай қилиш учун шундай ишончли ўйин намойиш этишимиз, кўп меҳнат қилишимиз ва машғулотларимни давом эттиришимиз керак.

Римда ажойиб атмосфера бўлди. Биз мухлисларни ва улар бизга кўрсатадиган муҳаббатни жуда соғиндик. Умид қиламизки, бу фақат бошланиши. Италия терма жамоаси биз учун катта аҳамиятга эга. Биз ушбу формани фахр билан киямиз.

Умид қиламизки, охиригача борамиз. Аммо, биз ҳали ҳеч нарсани ҳал қилмаганмиз. Туркия устидан жуда муҳим ғалабани қўлга киритдик. Энди бизга Швейцсария терма жамоасига қарши яхши ўйнаш, яхши тайёргарлик кўриш ва ғалаба қозонишга ҳаракат қилиш керак бўлади.

Швейцария - футболни яхши ўйнайдиган ажойиб жамоа. Улар ҳужум услубига эга ва биз 90 дақиқа давомида жуда эҳтиёткор ва диққатли бўлишимиз керак. Биз биринчи ўйиндагидан ҳам кўпроқ диққатни жамлашимиз керак », - деди Доннарумма УЕФА матбуот хизматига.