Дания терма жамоаси посбони Каспер Шмейхел Финляндия билан ўйиндан сўнг Кристиан Эриксен билан содир бўлган воқеа ҳақида гапирди.
Яримҳимоячи ҳозирда соғлиғида ҳеч қандай муаммо сезмаяпти. Бироқ Дания терма жамоаси футболчилари шокдан ҳали ўзларига келмадилар.
«Мен шу пайтгача футболда кўрган энг муҳим ҳодиса Эриксен билан бўлди деб ўйлайман. Мен у билан гаплашишга муваффақ бўлдим.
Унинг жилмайиши, кулиши, оддий одам бўлиши мен учун муҳим. У бу ерда ётганидан кейин кимдир унинг соғлигидан хабардор бўлиши керак.
Биз ҳамма нарса ҳақида гаплашдик. Ҳеч биримиз бунақа ҳолатга тушмаганмиз. Ушбу суҳбат барчага ёрдам берди», - дейди дарвозабон.
