ФИФА президенти Йозеф Блаттер Миср чемпионати доирасидаги "Ал-Масрий" ва "Ал-Аҳлий" жамоалари учрашувида содир бўлган нохуш воқеаларга ўз муносабатини билдириб ўтди.
Илгарироқ хабар бериб ўтганимиздек, учрашувда мухлисларнинг оммавий муштлашуви натижасида 73 киши халок бўлганди.
"Мен Мисрда бўлиб ўтган тўқнашув, унинг оқибатида вафот этган ва яраланган мухлислар учун чуқур қайғудаман", деди Блаттер.
"Бу футбол учун қора кун бўлиб қолади. Бундай жанжаллар футбол учун керак эмас. Барча жабр чекканларнинг оиласи, қариндошларига чуқур ҳамдардлик билдираман", дея Йозеф Блаттер ФИФА расмий сайтига баёнот берди.