Англия терма жамоаси бош мураббийи Гарет Саутгейт Жейдон Санчо ва Бен Чилуэлл Хорватияга қарши ўйин қайдномага киритилмагани учун қандай жавоб қайтаришгани ҳақида айтиб ўтди.
«Танловга профессионал муносабатда бўлишгани учун муаммо бўлгани йўқ. Улар жамоа учун катта эҳтиром кўрсатишди. Захирада қолган, аммо ўйинга тушмаган футболчилар ҳам шундай йўл тутишди.
Жамоа ичидаги муҳит яхши бўлиши лозимлигини биламиз. Бу муваффақият учун зарур», — деди Саутгейт.
Жамоа гуруҳ босқичидаги иккинчи ўйинини 18 июнь куни Шотландия термасига қарши ўтказади.
