Туркия терма жамоаси ва "Ювентус" ҳимоячиси Мерих Демирал Турин клубидан кетиши мумкин.
Манбага кўра, "Аталанта" 23 ёшли марказий ҳимоячига даъво қилмоқда. Бергамо клуби раҳбарияти турк футболчисини ушбу ёзги трансферлар мавсумида сотиб олишни мақсад қилган.
Агар "Аталанта" Демирални сотиб ололмаса, улар бор эътиборини "Лилль" футболчиси Свен Ботман ва "Торино" дан Лянко Войновичга қаратадилар.
Эслатиб ўтамиз, Демирал ва "Ювентус" ўртасидаги келишув 2024 йилгача амал қилади. Олдинроқ футболчига "Тоттенхэм" ва "Эвертон" ҳам қизиқиш билдираётгани ҳақида хабар берилган эди.
Якунланган мавсумда туркиялик ҳимоячи 24 учрашувда битта голли узатмани амалга оширди.
