"Барселона" ва "Реал Мадрид"га Чемпионлар Лигасида иштирок этиши учун рухсат берилди.
"Барселона" ва "Реал Мадрид" кейинги мавсумда Чемпионлар Лигасида иштирок этишлари мумкин, деб хабар беради El Partizado de COPE нашри.
Манбага кўра, Испания клублари УЕФА томонидан тегишли рухсатномаларни олган. Олдинроқ ЕЧЛ расмийлари "Ювентус"га Чемпионлар Лигасида қатнашишга рухсат беришганди.
Аввалроқ, УЕФА Суперлигадан чиқишни рад этгани учун "Барселона", "Реал Мадрид" ва "Ювентус"ни икки йилга дисквалификация қилмоқчи эканлиги ҳақида хабар берилган эди. Бироқ, Швейцария Адлия вазирлиги УЕФА томонидан клубларга нисбатан санкциялар қўлланилишини тақиқлади.
