Мадриднинг «Реал» клуби яримҳимоячиси Месут Ўзил ўз карьерасини «Қироллик клуби»да якунлаш хоҳиши борлигини билдириб ўтди.

— Ўз карьерамни айнан «Реал»да якунлаш ниятидаман, — дея Германия терма жамоаси ҳавбэки сўзларини келтирмоқда «Kicker». — Албатта, бу ниятимга эришиш осон кечмайди. Раҳбарият яқин йиллар ичида аъло даражадаги футболчилар билан шартнома имзолаши тайин, клубда истиқболли ёшлар ҳам пайдо бўлади. Нима бўлганда ҳам, келажакда ҳам клубга фойдам тегишидан умидворман. Ўз кучимга ишонаман. «Реал»да ўйинчилар бошқа жамоалардагига нисбатан кўпроқ танқид нишонига олинар экан. Лекин бу кучлироқ ва ақллироқ бўлишга рағбат уйғотади, холос.

Эслатиб ўтамиз, Ўзил ЖАРда бўлиб ўтган жаҳон чемпионатидан сўнг Бременнинг «Вердер» жамоасидан «Қироллик клуби»га ўтган эди. Жорий мавсумда у Жозе Моуринью жамоасида барча турнирларда 31 та ўйин ўтказиб, 3 та гол урган ва 15 марта натижали узатма берган.