Қоҳиранинг «Ал-Аҳлий» клуби сафида тўп сураётган икки футболчи Муҳаммад Абутрика ва Эмад Мутаб ўз футболчилик карьераларини якунлашларини маълум қилишган.
Порт-Саид шаҳрида бўлиб ўтган фожеа — «Ал-Масрий» мухлислари томонидан қоҳиралик мухлисларнинг ўлдирилиши уларнинг бундай қарорга келишларига сабаб бўлмоқда.
Қоҳира клубининг яна бир ўйинчиси Муҳаммад Баракат эса барча айбдорлар топиблиб, жазога маҳкум этилмагунга қадар ўйнамаслигини билдирган.
«Аssоciated Press»нинг маълумот тарқатишича, «Ал-Аҳлий» бош мураббийи Мануэль Жозе ҳам клуб раҳбариятидан шартномани бекор қилишни сўраган ва Португалия қайтиш истагини билдирган.
