УЕФА тиббиёт ходими Енс Клеинефелд Дания яримҳимоячиси Кристиан Эриксеннинг юрак хуружига учраганидан кейин биринчи сўзлари ҳақида гапирди.
«Кристиан ўзига келганида, у кўзларини очди ва мен билан гаплаша бошлади. Мен ундан инглиз тилида айтдим: "Сиз шу ердасиз, хаётга қайтдингиз".
У Ҳа, мен шу ердаман дея жавоб берди. Ва кейин у қўшиб қўйди : "Жин урсин, мен атиги 29 ёшдаман. Бундай бўлиши мумкин эмас", - дея шифокорнинг сўзларини келтиради Bild.
Эслатиб ўтамиз, Евро-2020 Финляндияга қарши ўйинда яримҳимоячи майдонда ҳушидан кетган. Футболчининг юраги тўхтади, аммо шифокорларнинг ўз вақтида берган ёрдами унинг ҳаётини сақлаб қолди.
Энди Эриксен юрагидан операция қилиниши керак.
