Европа чемпионати баҳслари давом этади. Бугун «B» ва «C» гуруҳларида 2-тур учрашувлари давом эттирилади. «B» гуруҳидан ўрин олган иккинчи қарама-қаршиликда Дания ва Бельгия ўйини ном эътибори билан ҳам нисбатан марказий мақомга тортиб кетади.
Stadion.uz эса доимгидек бу иккала жамоа ҳақида айрим факт ва статистикаларга тўхталиб ўтади.
• Бельгия ва Дания ўртасидаги баҳсларга мухлислар шу пайтгача кўп ҳам гувоҳ бўлаверишмаган. Ҳар икки жамоа ўртасида ўзаро 12 та учрашув бўлиб ўтган.
Улардан 6 та баҳсда «қизил иблислар»нинг қўли баланд келган бўлса яна шунча учрашувда "қизил-оқлар" зафар қучишган. Қолган учта беллашувда эса ғолиб номи аниқланмаган.
• Бельгия ҳамда Дания жамолари ўртасидаги тўқнашувларнинг сўнгги 15 баҳсидан 13 тасида камида 2 та гол киритилмоқда.
• Меҳмонлар ҳужумчиси Ромелу Лукаку жамоаси сафида ўзининг охирги 19 ўйинида 26 та голда иштирок этди (22 гол, 4 ассист).
• Бельгия Европа чемпионатига саралаш доирасида барча жамоалардан кўп гол уришнинг уддасидан чиқди (40).
• Дания Европа чемпионатида кетма-кет 3 ўйиндан бери мағлубиятга учраб келади. «Қизил-оқлар» сўнгги 11 баҳснинг атиги 2 тасида ғалаба қозонишнинг уддасидан чиққан (7 мағлубият ва 2 дуранг).
• Ўз навбатида Бельгияда бу борада барча мусобақалар доирасида 10 та ўйинлик мағлубиятсиз серия мавжуд (8 та ғалаба ва 2 та дуранг)
• Бельгия барча турнирлар доирасида жами 31 баҳсдан бери майдонни голсиз тарк этмаган. Жамоанинг дарвозани ишғол қила олмаган сўнгги баҳси Россияда ўтган Жаҳон чемпионати ярим финалида Францияга қарши кузатилган (0:1).
• Бельгия Евродаги сўнгги 5 баҳсида ҳам биринчи бўлиб дарвозани ишғол этган.
• «Қизил иблислар» ўша 5 учрашувнинг 3 тасида 3 ва ундан ортиқ гол уриб келмоқда.
• Бельгия Европа чемпионатларининг сўнгги 11 ўйинида ҳар иккала бўлимда ҳам ғалаба қозонган.
• Ушбу учрашувлар давомида бельгияликлар энг камида 2 тадан гол уриб келишмоқда.
• Юқорида таъкидлаб ўтганимиздек, ушбу жамоа 10 та ўйиндан бери мағлубият нималигини билмай келмоқда. Бельгияни охирги марта Миллатлар лигаси доирасида октябрда Англия мағлуб этган эди.
• Ушбу жамоа шунингдек, Евродаги сўнгги 5 ўйиннинг 4 тасини дарвозасидан гол ўтказмаган ҳолда якунлаган.
• Шунингдек, Лукаку жамоадошлари кўҳна қитъанинг сўнгги 11 баҳсидан бери фақат ғалаба қозониб келмоқда.
• Бугунги учрашувдаги мағлубият Данияга мусобақа чиқиш эшикларини кўрсатиб қўйиши мумкин. Бу эса сўнгги 8 иштирок давомидаги 5-муваффақиятсиз натижа бўлиб қайд этилади.
