Мисрнинг «Ал-Аҳли» клуби президенти Ҳамид Ҳамдийнинг маълум қилишича, унинг жамоаси Миср чемпионати ўйинларида иштирок этмайди. Бу ҳақда «Би-Би-Си» хабар бермоқда.

«Ўзимиз йўқотган қурбонларни ўйлаб, ҳали ҳам ўзимизга кела олганимиз йўқ. Миср спорти ва бизнинг клубимиз билан рўй бераётган воқеаларнинг барчаси — ҳақиқий фожеа, миллий фалокат», дея қайд этиб ўтди Ҳамдий.

Миср чемпионатининг 17-туридан ўрин олган «Ал-Масри» – «Ал-Аҳли» учрашуви якунига етиши арафасида келиб чиққан муштлашув натижасида 73 киши ҳалок бўлган, 1000дан ортиқ киши жароҳатланган, 47 киши эса ҳибсга олинганди. Воқеа рўй берган вақтда «Ал-Масри» меҳмон жамоа устидан 3:1 ҳисобида ғалаба қозонаётган эди.