Ҳайрон қолманг, гап Дрогбанинг онаси Дрогба хоним ҳақида бормоқда. Хабарингиз бор, Экваториал Гвинея ва Габонда Африка Миллатлар кубоги давом этмоқда. Ушбу турнирда Кот-д'Ивуар терма жамоаси гуруҳ ўйинларидаги барча ўйинларни ғалаба билан якунлаб, чорак финалга йўл олди. Терманинг мувафаққиятида Дрогбанинг роли беқиёс. Унинг онаси Клотилда опа ҳам терма мувафаққиятига ўз ҳиссасини қўшмоқда. У Экваториал Гвинеяга келган 60 нафар кот-д'ивуарлик ишқибозлар учун махсус ошхона очди ва уларга ўз ҳисобидан мазали-мазали овқатлар тайёрлаб бермоқда. Ўзи ҳам ошпазларга қўшилиб тер тўкмоқда. "Буни ўғлим учун қилаётганим йўқ, мамлакатим учун қиляпман. Бу менга завқ беради. ЖЧ-2006 да Германияда ҳам шундай ошхона очгандим" дейди савобнинг тагида қолгур она.