"Рома"нинг янги бош мураббийи Жозе Моуриньо яқингача ишлаган жамоалари ҳақида гапирди.
«Баъзида хатоларга йўл қўяман. Эҳтимол, ҳар доим ҳам тўғри лойиҳани танламаганман. Баъзи пайтда лойиҳалар қандай ривожланаётгани тўғрисида адашганман, ёки ноҳақлик билан иш қилишга жалб қилинганман. Бироқ, буларнинг ҳеч қандай фарқи йўқ.
Мен 30 йилдан бери профессионал футболдаман. Гарчи, 58 ёшга кирган бўлсам-да, ўз принципларим эскирган дея айта олмайман.
"Манчестер Юнайтед"ни ўтиш босқичида қабул қилдим. Тарихи муваффақиятли бўлмаган "Тоттенхэм"ни бошқарганман. Ҳозир эса мен янги раҳбарият жойлашган "Рома"даман ", - деди Моуриньо.
