The Times нашрининг ёзишича, «Манчестер Юнайтед» «Реал» ва Франция терма жамоалари марказий ҳимоячиси Рафаэл Варан учун 50 миллион фунт таклиф қилган, аммо «қироллик клуби» инглизлардан 80 миллион фунт талаб қилмоқда.
«Реал» Серхио Рамоснинг «қаймоқранглилар» дан кетишини расман эълон қилганидан сўнг, француз барчанинг нигоҳида асосий планга чиқиб қолди. Ҳозирда испанлар ҳам Варан билан музокараларни давом эттиряпти. Шу сабабли «Юнайтед» у билан шартнома имзолаш имкониятини йўқотиши мумкин.
Вараннинг амалдаги шартномаси 2022 йил 30 июнгача амал қилади. 28 ёшли футболчи 2011 йилдан буён Испания клубида ўйнаб келмоқда.
