Франция терма жамоаси ҳужумчиси Усман Дембеле жароҳати сабаб Евро-2020нинг қолган ўйинларида майдонга туша олмайди.
Жароҳатининг айрим ҳусусиятлари ва унинг оғирлиги даражаси ҳақида маълум бўлгач, футболчининг дўсти, «Барселона» ва Франция терма жамоасидаги шериги Антуан Гризманн уни ижтимоий тармоқларда қўллаб-қувватлади.
“Финтлар, голлар, жароҳатлар бўлади ... лекин ҳаммасидан ҳам одамийлик устун! Сенинг йўлингдаги яна бир тўсиқ, аммо сен жисмонан ҳам, руҳан ҳам янада кучлироқ қайтиб келасан! Еврони тарк этаётганингни кўрганимдан хафа бўлдим, аммо яқин орада яна биз билан бирга майдонда бўлишингни биламан «, - деб ёзди Гризманн Инстаграм саҳифасида.
Дембеле Гризманга миннатдорчилик билдирди ва »Раҳмат, ака" дея жавоб берди.
